WIKA NATIN ‘TO

WIKA NATIN ‘TO

    Wika, simbolo ng kalayaan at pag-asa. Nagpapasalamat ako dahil nabiyayaan tayo ng wika at dahil dito, naipapalaganap natin ang pagkakaisa.

    Wika ng Pagkakaisa ang tema ng buwan ng Wika ngayong taong ito. Ano nga kaya ang naibibigay ng wika at ano nga ba ang kahalagahan sa buhay ng bawat isa?

     Sa araw-araw nating pamumuhay, wika at diyalekto ang palagi nating ginagamit. At dahil dito, nagiging susi para tayo’y magkaunawaan, magkaisa, magmahalan at upang magsanib-pwersa ang ating mga hangarin sa buhay. Hindi lang ito ang dulot ng wika sa buhay natin, paraan rin ito para tayo’y magtagumpay sa ating mga buhay. Paano nga ba? Simple lang, natutulungan tayo para tayo’y magsikap, magsipag, maging matapang sa mga pagsubok at para maipadama ang pagmamahal sa sariling atin lalo na ang pambansang Wika natin, ang Filipino. Kaya marapat lang na tayo’y magkaisa at gamitin ng tama ang wika.

      Sadyang di maikukubli ang wika dahil biniyayaan tayo para gamitin, ipalaganap, tangkilikin at higit sa lahat ipagmalaki. Wika Natin, Wika ng Pagkakaisa.